Kumplikadong paniniwala

"Simple things should be simple, complex things should be possible."
-Alan Kay

Eto ang mga unang salitang ipapabasa ko sa inyo, dahil masyadong kumplekado ang mga bagay bagay na inyong mababasa. Tama, kumplekado dahil ang mga sasabihin ko eh mga bagay na simple pero ginagawang kumplekado ang mga bagay bagay. Nagsisimula ito sa isang tanong: naniniwala ka ba sa Dyos?

Oo, ang Dyos na lubos na makapangyarihan, isang perpektong ang tawag ay Bathala, Panginoong dakila o di kaya ay Yaweh. Pero ano ba talaga ang tawag sa kanya? Ayon sa mga kwento ay nalalaman ng mga tao noon kung ano ang tunay na tawag o pangalan ng Dyos pero ang mga letrang naiwan na lamang ay ang YHVH. Ang mga susunod na mababasa nyo ay maaring sensitibo para sa inyong mga mata kaya kung isa kang taong relihiyoso kung maari ay wag ka ng tumuloy sa pagbabasa. PAALALA: Wag nyo akong bigyan ng lesson na tungkol dito na galing sa Biblia kung sakaling magpumilit ka pa.

Unang tanong ko lang, ilang ba talaga ang Dyos na to? Sabi nila meron daw Dyos anak, Dyos ama at Dyos Espiritu Santo (Amen). Mayroong tatlong persona ang Dyos? Kagaya ba sya ni Sensui ng Ghost Fighter? Sadya ba syang Schizophrenic? Kumplikado hindi ba? Sabi nga sa mga nabasa ko, anong klaseng Dyos ito? Binuntis ang isang babae para ipanganak sya? Makapangyarihan ang Dyos bakit kailangan pa nyang gawin iyon kung kaya nyang gawing possible ang impossible? Baka nagiipon din sya ng SP siguro kaya di pa sya makapag cast ng napakalakas nyang kapangyarihan. Okay sige bumalik tayo sa umpisa, ginawa ng tao ang lalake at babae at inilagay sa isang lugar na mayroong isang uri ng puno at sinabing wag nyong kainin ang bunga ng punong iyan kundi mamamatay kayo. Pero matapos kainin ng babae at lalake ang bunga hindi naman sila namatay, bagamat nagkaroon sila ng pagkakaintindi ng kung ano ang tama at mali at nawala ang pagiging ignorante. Teka ulitin natin, sabi mamatay sila pag kinain nila ang bunga pero bakit ganun ang nagyari? Akala ko perpekto sya? Hindi marunong mag sinungaling pero anong nagyari? Bakit sya maglalagay ng puno na iyon kung wala din naman sya plano ipakain ang bunga? Para mang akit? Parang sinabi na ang tatay mo eh nilagyan ka ng isang seksing PSP sa harapan mo para matukso ka.

Madami pa akong gustong ikwento pero humahaba na ang aking isinusulat kaya eto na, malapit ko nang tapusin. Siguro sasabihin nyo, me galit ata ako sa Dyos na ito, mahina ang pananalig ko at kung ano ano pa pero sasabihin ko na ngayon pa lang dati mataas ang pananalig ko sa Dyos na ito pero ngayon unti-unti, nawawala na ang aking pinanghahawakan at pinaniniwalaan. Minsan nga gusto ko nang hamunin ang Dyos na ito na: "Patunayan mo sa lahat na totoo ka pag di na ako nagising ibig sabihin totoo ka nga pabayaan mo na akong mag isa." Pero ang kinatatakot ko ay kung magising pa ako at malaman na lahat ng bagay na pinaniwalaan ko at pinaghawakan mula pa dati ay hindi naman pala totoo.

Posted in: personal